اثنين في السجن محكوم عليهم بالاعدام ... واحد منهم حسود جدا .. في يوم الاعدام بيسألوا الاول عن امنيته الاخيرة
.. قال : اشوف امي . سألوا الحسود عن امنيته الاخيرة .. قال : صاحبي مايشوف امه
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...
عد من واحد الى خمسميه...
أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين
...كبس عليه النوم … قـام جري غـسـل وشه ورجــع للـسـريـر يـكـمـل الـعـد
مرة واحد غبي ماشى فى الشارع
قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين ؟ العسكرى
قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما
مفاجأة الموسم
شركة روتانا تقدم المطرب المتألق ( إبليس(
في شريطة الجديد ( مش حخش النار لوحدي!
محشش بيسأل اخوه: تخيل تقوم الصبح تلقى نفسك ميت!
قاله : والله انتحر
محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!
واحدة عندها قطة كل ما تيجي تتخلص منها ... القطة ترجع تاني....
فبعتت ابنها يتخلص منها و يرميها بعيد عن البيت عشان ما ترجعش
... راح واخد القطة وقعد يلف يلف لحد م تاه عن البيت ورجع متأخر
...فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة
صعايده بيلعبوا على الطريق السريع واللي تخبطه عربيه مرتين يطلع بره
جورج قرداحي بيسأل
واحد صعيدي ببقوله الحج فرض ولا سنه قاله هتصل بصديق أتصلبهريدى صديقه وقاله الحج فرض ولا سنه هريدي قاله لا الحج قرعه
استضافوا واحد صعيدي في برنامج الكاميرا
في الملعب سألوه بتشجع مين قالهمالمقاولين العرب قالوله بتحب مين في المقاولين العرب قالهم الجماعة بتوعالمحارة
واحد صعيدي حب ينتحر من الدور العاشر رمى نفسه من الخامس مرتين
صعيدي فتح محل جواهرجى عمل أول يوم ببلاش
صعيدي وقع في حفرة حدفوله حبل طلع مشنوق
صعايده بلعبوا على قهوة واحد قال كش ملك والتاني قال دبش والثالث راح واخدالكوتشينة وماشى .
صعيدي سافر بره خمس سنين
متواصلة لما رجع القاهرة لقاهم بيحتفلوا بسبوع أبنه بقى ماشى فرحان أوى ويقول موجودين بنخلف مش موجودين برضه بنخلف
.
صعايدة بيلعبوا شطرنج الأتنين خسرو
الأمريكان والروس بيترسموا على بعض الأمريكان يقولوا أحنا أول ناس طلعنا القمر والروس يقولوا لا أحنا أول ناس طلعنا القمر
صعيدي كان واقف أضايق أوى قالهمأنتوا لما طلعتوا القمر لقيتوا هناك إيه قالوله طوب ورمل وزلط قالهم أحنااللي مطالعينه
واحده بتقول لجوزها الصعيدي عمرك ماقلتلى كلمه تحسسني أن أنا مرآتك قالها أنتي طالق .
جماعه صعايده سمعوا عن اختراع أسمه السيفون حبوا يعرفوا هو إيه
بعتو واحد منهم أمريكا لما رجع قالهم أما السيفون ده حتة اختراع يا رجاله تدوس على السيفونويا تلحق تشرب يا متلحقش
صعيدي راح لدكتور بلدياته قاله يا دكتور كل أما أحط أيدي على عيني مشوفشالدكتور خرمله أيده .
صعيدي عمل عمليه نجحت عملها تانى
.
صعايده بيتعلموا ربط الكرافتة 6 ماتوا و 4 في حاله حرج
ـــا
. ـ .
ـــ
صعيدي حب واحده أتجوز أختها علشان يضمن يشوفها كل يوم
. ـــــ
. ـصعايدة بيلعبوا شطرنج الملك مات مشلول
.
. ـ
مجموعة صعايده ماتوا غرقانين في غواصة بعد التحقيق في الحادث اكتشفوا أن واحدفيهم سمع خبط بره فتح يشوف مين
صعيدي وقع من الدور العاشر جالة صداع
.
ضبطوا 2 صعايده بيشموا أسمنت أبيض.
. ــ
10صعايده ماشيين ورا بعض وقعوا في حفرة واحده
ـ
صعيدي جاى ينزل من باب العربية لقي الدنيا بتمطر راح نازل من الباب التاني
.
عملوا مسابقه للي يجيب أكبر قطه جابوا صعيدي وألماني وأمريكي الألماني دخل جاب قطه 5 كيلو والأمريكي دخل جاب قطه 10
كيلو الصعيدي دخل ساعة ساعتين ثلاثة ولسه مخرجش دخلوا يشوفوه لقوه ماسك فيل وقاعد يضرب فيه ويقوله هتنونو يعنى هتنونو
. ــ
7صعايده اشتروا تاكسي 7 راكب وجابوله سواق والـ 7
ركبوا مع السواق عشان ميسرقش الإيراد والتاكسي مبيشتغلش استغربوا أوى راحوا سألوا أذكى واحد فيهم يعملواإيه آلهم غيروا السواق
. ـ
صعيدي دق في صدر أبنه مسمار عشان يعلقله البزازه
.
صعيدي بيسأل صاحبه بيقوله إيه رأيك في تجارة المخدرات قاله تجارة عين شمس أحسن .
صعيدي أشتري عربية شبح طلع علي الطريق السريع عشان يجربها فشغل الراديو لقيالمذيع بيقول هنا لندن الصعيدي قال يلعن أبو السرعة
. ـ
صعيدي واقف قدامه 5 شياطين 1 بيوسوسله و 4 بيفهموه
. ـ ـ
صعايدة بيلعبوا شطرنج فواحد بيقول للثاني أنا قتلتلك الحصان الثاني قاله طب 2ثانيه واحدة لما رجع قاله وأنا سممتلك كل بهايمك
.
صعيدي ماشي ورا واحده بيعاكسها فبتقوله أمشى عشان بابا جاي ورايا قالها قوليله أن أنا أخوكي
. ــــ ــ
صعايدة بيسرقوا بنك واحد بيسرق وواحد بيراقب وواحد بيبلغ البوليس
فار محشش قاعد يقول كل القطط تحت جزمتى بيبص وراه لقي قط أسود كبير أوى راحقايل ماعدا أبو سمره حبيبى
مسطول بيقول لصاحبه إمبارح شفت فيل أحمر طاير فوق عمارتنا صاحبه قاله ياكذاب هو فيه فيل أحمر
2مساطيل دخلوا متحف لقوا هيكل
عظمي مكتوب عليه 1600 ق .م فواحد بيسأل الثاني إيه 1600 ق.م دي قاله تلاقيها رقم العربية اللي خبطته .
ـ
مسطول ماشى لقي زحمة جامدة أوي فبيسأل فيه إيه
قالوله دول بتوع الأرصادبيشوفوا هلال رمضان فالمسطول طلع وقف معاهم وهم مش لاقيين الهلال فالمسطول بيبص كده لقي الهلال
راح قايلهم أهه الهلال أهه أنبسطوا منه أوى وأدوله 10جنيه فرح أوى راح باصص الناحية التانيه وقايلهم فيه هلال تانى أهه
ــ
مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
ــ
تلميذ أحول بيكتب حلو قوى ..ولكن فى كراسة زميله ..الأبلة قالتله
لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه
مرة اتنين أغبية كانوا ماشيين في الصحراء طلع عليهم اسد راح واحد
رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته
اتنين متجوزين كل ما يخرجوا فى حته مراته تقول له عايزة اروح جنينة الحيوان عند جبالية القرود
.... و كل يوم تروح عند الجبلاية و تفضل تأكل القرود .... لغاية يوم الولادة دخلت تولد و لما الممرضة
خرجت سألها الاب اية ولد ولاّ بينت ؟؟ فقالت له الحقيقة يافندم ملحقناش نعرف ... اول ما المولود نزل نط من الشباك
واحده ست مسكت حرامى فى المطبخ ،فقالت لابنها روح إنده ابوك من على القهوة.
... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم
،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من
على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟ !!!
ثلاثه صقور اتراهنوا على الصيد
راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...
... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال ...
. راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش
فى المتحف المصرى سأل الولد أبوه
,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى
..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله:
ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم
واحد سرق كرسي من القهوة وطلع يجري
... فالواد الاهوجي شافه اخد ديله في سنانه و جري وراه ... قام الحرامي لمحه بيجري وراه
....... راح وقف فى نص الطريق وقعد على الكرسى .. قال للاهوجي هات لى واحد شاي
واحده راحت كشك تتكلم فى التليفون ، بقالها ساعه بتحاول تتكلم فسالت صاحب الكشك ..
. لما التليفون يدينى : توت توت ...يبقى ايه ده؟ رد عليها وقال يبقى فى قطر معدى من قدام التليفون
واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قالو مديحة
واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة وقالوا خلاص هنعرف وزنها
بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدور
اتنين مساطيل فى طياره معديه الاول قال
ده طياره الرئيس فقال الثانى ده مش طياره الرئيس الاول والله دى طياره الرئيس الثانى لا مش طياره الرئيس فاتفقو ان اى
حد معدى يسالوه فعدى واحد فسألوه دى طياره الرئيس فقالهم يا اغبياء طياره الرئيس بيمشى وراها موتوسكلات
مره واحد حرامى سرق باب من واحد مسطول ...... فالمسطول قعد يجرى وراه الحرامى ...
فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
مساطيل قاعدين بيصيدوا ضبابير ، عدّت من فوقيهم هليكوبتر .... واحد منهم قال أمهم جت اهربوووووووووو
واحد بيقول لمراته أنا عايز لما أرجع من الشغل النهارده ألاقيكى عاملة محشى... قالتله بس أنا ماعرفش أعمل محشى...
قالها ماليش دعوه أنا عايز محشى وسابها ونزل... ولما رجع لقى ترابيزة السفرة كلها محشى قالها طيب المحشى ده جه منين
؟؟؟ قالتله الظاهر كده ان البيت فيه عفاريت قالها عفاريت !!! يبقى لازم نعزل دلوقتى نروح حلوان
، .جاب عربية نقل علشان يحمل العفش ، لاقى العفش بيتحمل لوحده و الثلاجة والمكتب وغرفة السفرة
ولالقى أربع عفاريت واقفين فوق العربية وبيقولوا ..هيييييييييييييييييييييية حانروح حلواااان...حانروح حلواااان
مجنون و مجنونة كانو ماشيين جمب بسين فى مستشفى المجانين ...
فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول
انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف
اتنين محششين الاول بيسال التاني النهارده السبت ولا الاحد ؟ التاني بيقول له : الاتنين فقال له : يا سلااااااااام الاتنين مع بعض
واحد من أهل الشام .
واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى الآقى نفسى مندهش ....
راح الدكتور كاتب له على علاج .... فصحى تانى يوم لقى نفسة مش مندهش ............. فإندهش
مره واحد عازم ناس اصحابه و قدم لهم مانجه فالناس قالوا له مش عيب تجيب لنا مانجه بايته ،، قالهم يعنى هي بايته عند حد غريب
واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,
قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك .
فار شاف اسد ميت ، فسحبه من ذيله واخذه الغابه
، لما شافوه الحيوانات قعده يحيوه ويهتفوه باسم الفار .. قام الفار رفس الاسد وهو بيقول .......انا لما اتعصب ما برحمش
مرة واحد متسلق جبال راح يتسلق جبل هو و المساعد بتاعه.
وكان المساعد ده بيتهته فى الكلام ,وهما طالعين فى نص المسافة المساعد قال للمتسلق:ن ن ن ن ن......
.. فالمتسلق
قاله:بس يابنى لاضحك ونوقع احنا الاثنين. ولما وصلوا فوق ، قاله عايز ايه ؟؟ قاله:ن ن ن ن ن.... نسيت الاكل تحت.
قاله: يخرب بيتك . ونزلوا تانى ، وهما فى نص المسافة
,المساعد قاله:ب ب ب ,قاله :بس لاضحك ونوقع احنا الاثنين.ولما نزلوا تحت قاله :عايز ايه.قاله:ب ب ب ب بهزر معاك
واحد اخنف واقع فى بير مايه .
..فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك
مرة واحد بيستهبل اتجوز واحدة بتستهبل اول ما خلفم خلفوا ولد اول ما نزل عمل نفسة ميت
واحد كريم اتجوز واحدة كريمة اول ما خلفوا واد ادوه للجيران
مرة واحد ندل ابوه طرده من البيت وهو نازل كتب على باب الشقة مقر بن لادن
مرة صرصار ندل عزم اصحابه على العشا واول ما جم شد عليهم السيفوووون
مرة شيطان ندل عزم اصحابه على الغدا واول ما دخلوا قفل عليهم وشغلهم قرأن
... واحد رزل دخل السيما ما لاقاش غير واحد بس قعد وراه وقاله دماغك لو سمحت
المريض: يا ترى يا دكتور أنا ممكن أعيش لحد ما يبقى عندي 100 سنة؟
الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة...
الطبيب: بتلعب قمار؟ المريض: لأ، ولا حتى كوتشينة ولا دومينو ولا شطرنج ....
الطبيب: بتسهر قدام التلفزيون أو الفيديو أو الدش؟ المريض: ولا بفتحهم من أساسه....
الطبيب: ولا بتسهر على القهوة؟ المريض: ولا عمري عتبتها برجلي... الطبيب: بترهق صحتك ونظرك بالقراءة كتير؟
المريض: بالعكس، أنا أطيق العمى ولا أطيقش الكتب... الطبيب: طيب بتقعد كتير قدام الكمبيوتر أو الأنترنت؟
المريض: كمبيوتر؟ أشوف إيه؟ .... الطبيب: طيب بتسافر على طرق خطر أو بتسوق كتير؟ المريض:
أنا لا عندي عربية ولا بأسافر من أصله..... الطبيب: طيب بتلعب أي رياضة عنيفة أو مرهقة؟ >المريض:
ولا عمري عتبت نادي، وما لعبتش حاجة من أيام ثانوي.... الطبيب: أمال عايز مية سنة تهبب فيهم إيه !!!!!
*مره ضابط شرطه لقى 3 محششين قاعدين بيحششو فى الشارع
فاخدهم عالبوكس و هم فى الطريق صعبو عليه قالهم عايزين تروحو قالولو ايوه يا باشا و الله تبقى ميه ميه
قالهم خلاص اللى حيقولى جمله فيها كلمه ( لع ) حنروحو
الاول قاله انا اسرق و اقتل و اعمل كل حاجه لكن اشرب خمره لع قاله خلاص اتوكل على الله
التانى قاله انا اقتل و اشرب خمره و اعمل كل حاجه لكن اسرق لع قاله خلاص اتوكل على الله
التالت قاله يا باشا لو قلت لك الحقيقه حتصدقنى الضابط قاله لع قاله اتوكل على الله يا باشا
*مره كان فى شيخ بعد كل صلاه جمعه الناس تتلم عليه و تضربه اخر ما زهق راح للشيخ طنطاوى قاله يا عم الشيخ انا بعد كل صلاه
جمعه الناس تتلم عليه و تضربنى و ماعرفش ليه انا عايزك يا عم الشيخ تحضر الجمعه الجايه و تشوف الناس بتضربنى ليه
و بعد الصلاه الناس اتلمت عليه
و الشيخ طنطاوى كمان و ضربوه قاله يا عم الشيخ انا جايبك عشان تدافع عنى مش عشان تضربنى هو انا عملت ايه قاله
اولا مفيش رسول اسمه خميس
ثانيا سيدنا عيسى ما ضربهوش موتسيكل دا فوق عند ربنا
ثالثا مفيش امام بينزل من عالمنبر و هو بيتزحلق
*كان فى مره قريه فيها شيخ بيطول اوى فى صلاه الجمعه و بيخلصها عالعصر و بعدين لما الناس زهقت منه اشتكت لوزاره الاوقاف
الوزاره غيرت الشيخ و بعتت شيخ جديد
و قالتله ماتطولش عليهم و حاول تختصر عشان هم بيزهقو بسرعه و مابيحبوش الشيخ اللى بيطول قالهم ماشى
فى اول خطبه قالهم تعرفو قصه سيدنا موسى قالولو ايوه قال خلاص يابنى اقم الصلاه
بعد الصلاه واحد قاله الله ينور يا عم الشيخ قاله انتو لسه شفتو حاجه الجمعه الجايه اجازه
*كان فى مره واحد اعمى و واحد مكسح راكبين على عجله جات عربيه خبطتهم
المكسح قال للاعمى نطلع نجري وراها الاعمى قاله خلاص يامفتح انا اخدت نمرتها
*كان فى مره 2 اخوات محششين عايزين يولعو سجارتين
و مش لاقيين حاجه يولعو بيها الاول قال للتانى روح يابنى شوف لنا علبه كبريت نولعو بيها السجارتين
راح نزل الشارع و كل مايسأل واحد معاك علبه كبريت يقوله لأ مماعييش الا و لاعه يقوله لا خلاص ماتنفعش
اخر مازهق راح لاخوه و قاله مفيش حد معاه علبه كبريت كلهم معاهم و لاعات اخوه قاله ياغبى
كنت هات ولاعه اهى حتولع برضو اخوه التانى قاله انت ماقلتليش هات و لاعه قاله خلاص روح دور لنا على ولاعه
نزل الشارع يدور على ولاعه كل مايسأل واحد معاك و لاعه يقوله لأ مماعييش الا علبه كبريت يقوله خلاص ماتنفعش
اخر مازهق راح لاخوه و قاله مفيش حد معاه ولاعه كلهم معاهم علبه كبريت
قاله و الله انت غبى انا مش لسه قايللك من شويه روح هات علبه كبريت دانت غبى خالص طفى ياد الشمع و اتخمد
اليسا و نانسى و هيفاء قاعدين بيتكلموا فى الطياره عن الجواز
اليسا قالت انا نفسى اتجوز ضابط
و هيفاء قالت انا نفسى اتجوز واحد صينى
و نانسى قالت انا نفسى اتجوز لعيب كورة
راح واحد من اللى كانوا قاعدين سمعهم راح قايلهم
اعرفكم بنفسي العقيد شونج ميونج الشهير بابو تريكه
مره واحد لقى مصباح علاء الدين دعك المصباح طلعله الجنى
قاله شبيك لبيك عبدك و خدامك بين ايديك
الراجل قاله عاوز بجنيه عيش
قاله بس كده ده طلب سهل خالص
راح الجنى و قعد ساعه و ساعتين و تلاته و لسه ماجاش
فالراجل دعك المصباح مره تانيه
طلعله الجنى و قاله كده يا غبى طلعتنى من الطابور
مره واحد صعيدى راكب تاكس راح سواق التاكس خبط واحد
فقال للصعيدى انزل شوفه مات و لا لسه
راح الصعيدى قاله تعالى تعالى تعالى بسسس هو كده مات
مرة تلميذ بيسأل الأستاذ بيقول له:هوالانسان ممكن يتعاقب على حاجه معملهاش؟
الاستاذ قاله: لا طبعا
الولد فرح اوى وقاله ....... خلاص انا معملتش الواجب
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟
برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن."
راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"
يارب تكون عجبتكم مستنى ردودكم :lol!:
