كرسي الاعتراف

مين اكثر عضو يعجبك في المنتدى؟

اوصفلي شكلك؟

ايه اكثر موضوع عجبك؟

مين العضو الي تحترمو في المنتدى؟

مين العضو الي تعجبك ردودو في المنتدى؟

اذكر اسماء اعز خمسة من اصدقائك؟

ماهي رياضتك المفضلة؟

ماهي قناتك المفضلة؟

موقف محرج لاتزال تتذكره؟

كم ساعة يوميا تجلس على الانترنت؟

كم عدد اصابع يدك اليسرى؟

ماذا تحب في الجنس الناعم؟

انتهت الاسئله

مين اكثر عضو يعجبك في المنتدى؟
بدون زعل اكتر عضو بيعجبني هالة
اوصفلي شكلك؟
ليه في عروسة .. ماشي يا ستي انا يعني طولي 172 ، 173 في الحدود دي و مش تخين ولا نص نص ولا رفيع انا تحت النص نص بشوية
ايه اكثر موضوع عجبك؟
هو الموضوع ده بتاع كرسي الاعتراف لانه يعني اللى بيجاوب بيقول الصراحة
مين العضو الي تحترمو في المنتدى؟
هيثم
مين العضو الي تعجبك ردودو في المنتدى؟
روني
س1- ايه هوه الشيبسي المفضل لديك و الشكولاته كمان ؟
طبعا الشبسي تايجر ، الشكولاته انا بحب كل الشكولاتات ولما بروح السوبر ماركت بشتري كل حاجة شكولاته بس طبعا مفيش زى كابري

س3- ماهو رأيك في الحرية ؟
الحرية من احلى الاشياء اللى ربنا ادهالنا والمفروض اننا نحافظ على حريتنا دي ومنذلش بعضنا او منخليش حد من الغرب زي ما بيحصل في العراق وفلسطين
س4- تحب تقرا من الكتب ولاي كاتب ولا انك ماتحب القراءة ؟
لا انا بحب اقرا كتب التاريخ بس غير كده بكره افتح كتاب
س5- كيف توفق ما بين الدراسة و الانترنت لأني أشوفك ما شاء الله أغلب وقتك على النت ؟
الله اكبر هههههه لا الحمدلله انا عامل ليا زى جدول صغير كده ماشي عليه واهو ماشي الحال
س6- تحب تسمع أغاني شرقي ولا غربي ؟
كله ليه مميزاته بس بحب شرقي


مالأمنية التي تتمنى تحقيقها؟
انى اتجوز واحدة بحبها ، و ان اللى بيحصل في فلسطين والعراق وغيرهم ينتهي عند كده
ايه اكثر ماده بتكرهها في المدرسه ؟
هههههههه كنت بكره العلوم بس الترم ده بكرهه برده
هل تغش في الإمتحانات ؟
ههههههههه ايه الاحراج ده . على العموم احنا اللجنة بتاعتنا كلها بتكون ظيطة نظرا لاني موجود فيها والله انا مش بغش غير للضرورة القصوى يعني لو خلاص السؤال مش لاقي ليه اجابة في المخ بحاول استعين بصديق
ايه آخر مصيبة عملتها؟؟
مصايبي كتير بس اللى حصل امبارح اما فتحت باب المدرسة و قولت للعيال اللى في المدرسة كلهم روحوا ومكنش مرواح اساسا و زمنهم دلوقتى بيتعلقوا بس الحمد لله انى مروحتش انهاردة
مين من الأعضاء بتحبه اووووي؟
بحبك انتى " دولي " اوى
مين من الأعضاء بتكرهه اوووي ؟
الصراحة والله كلهم حلوين وبحبهم كلهم
لابد انك مرييت بقصة حب؟؟
اذا كانت نعم احكي لنا تفاصيلها؟؟
تفاصيل ايه هى مرتين بس والمرة الاولى مش فاكر منها حاجة انما المرة التانية دي احلى واجمل حاجة
كيف كانت حياتك الدراسية ملييئة بالمشاغبات؟؟
والا كنت مؤدب؟؟
احكي لنا بعض المواقف في المدرسه ؟؟
بصي هو كان كده وكده يعني كنت مؤدب ومشاغب بس مشاغب اكثر
في موقف افتكره ان كان علينا حصة مش فاكر حصة ايه المهم الفصل كله اولاد وبنات نزلوا يلعبوا وانا معاهم كانوا بيلعبوا استغامية فلعبنا شوية وبعدين قولتلهم هروح اشرب وجي كملوا انتو لعب روحت ندهت للناظر مستر احمد الواد وهو بيدور على حد يمسكه وطبعا احنا مغميين عنيه راح مسك في الناظر فبيقول مسك واحد فبيفك الايشارب اتلقى واحد ضخم في وشه اللى هو الناظر طلع يجري والناظر يجري وراه وعرفتش حصل فيه ايه تقريبا اتصرب بس اما الواد عرف انى انا اللى عملت فيه كده طلع يجري ورايا بس طبعا ميقدرش يعمل حاجة


...
...
بتشجع نادي ايه ؟؟
طبعا الزمالك
ما رايك بالرئيس (بوش)؟
من ناحية سياسية هو قوي وشديد وتفكيره عالي جدا جدا جدا بس من ناحية بقى انى عربي وكده فهو دزمة وواطي وظالم وجبار

اذكر اسماء اعز خمسة من اصدقائك؟
مصطفى ومحمد وبيبو واسلام واحمد




ماهي رياضتك المفضلة؟
طبعا بعد الكورة بحب العب كرة سلة اوى


ماهي قناتك المفضلة؟
بس من غير تريقة بحب سبيس تون و روتانا سينما مش هتقدر تغمض عنيك بس اهو بتجيب افلام يعني شبه حلوة

موقف محرج لاتزال تتذكره؟
هههههههههه في موقف جامد بس رخم اوى انا كنت طالع مع اصحابي العريش هى اه منطقة جامدة بس اما روحت اشتري حاجات كان فيها مناطقى زبالة اوى كنا 5 ده كان في العيد الصغير اللى فات المهم اكنا بنلعب الشايب روحت طلعت انا الملك وطلع واحد الحرامي احنا كنا في شاليه وكنا بنلعب الساعة 2 بالليل حكمت على الواد انه يقلع التيشرت وينزل ويشمر البنطلون وينزل البحر انا اساسا كنت واقف من بعيد مرعوب وهو الواد كان مرعوب لان كان في قناديل كتير الصبح فهو كان خايف وكمان صوت الكلاب يعني كان شوية وهيموت مننا المهم نزل وهو خايف اول اما لمس الميه ودخل بتاع 3 متر كده سمع صوت كلب طلع يجري وبعدين دخلنا كملت الاحكام جوه بس كان ضرب بالشبشب ورش بالميه الساقعة عادي يعني والمشكلة ان الواد ده طلع الملك وانا طلعت الحرامي واتعمل فيا نفس الموقف

كم ساعة يوميا تجلس على الانترنت؟
كتير

كم عدد اصابع يدك اليسرى؟
اتصدقى مش فاكر هعدهم واقولك


ماذا تحب في الجنس الناعم؟
بحب حنية ورقة وحنان الجنس الناعم

الحمد لله انا خلصت
كل دي اسئلة

يا سلام 31 سؤال بس بس ولا يهمك هجاوب ان شاء الله
س 1: كل واحد فينا عنده طموحات انت ايه طموحاتك علي المستوي الشخصي و العائلي و الدراسي و المهني ؟
المستوى الشخصي نفسي اعمل حاجات كتير غيري معملهاش ومش بحب اقلد حد ونفسي اسافر بره مصر ونفسي اطور من نفسي ومن حياتي ، انما المسوى العائلي نفسي احقق لبابا وماما واختى كل اللى يتمنوا او يحلموا او حتى نفسهم فيه نفسي اعمل كل حاجة لكل الناس بجد والله بكون فرحان ، المستوى الدراسي انا سيبها لربنا بس هو نفسي اخش كلية هندسة بس شكلها هتقلب على تجارة ، المهنى في كذا مشروع نفسي اعملهم
س 2: امتي قلت لاء بصوت عالي و ازاي بتتعامل مع القيود الي بتفرضها عليك الحياه ؟
مفتكرش انى قولت لا لان اى قرار اى حد بيتخذه نحيتي بطنشه وبعمل اللى في دماغي حكاية انى بتعامل مع القيود دي انا بسبها ومش بحطها في دماغي وربنا بيسهلها انما لو حاجة غبية اوى بفكرلها كويس
عبر عن نفسك باختصار ؟؟
انا شخص بحاول انى اكون طموح وبحاول انى اكون ناجح ونفسي في كل حاجة
3-ايه هيا احلامك فى المستقبل ؟
انى اتجوز واخلف ولد وبنوتة وانى اشتغل في شغلانة محترمة وانى اسافر
4-حلمت حلم واتحقق؟؟
حلمت انى هحب واتحقق
5-حلمت حلم ومااتحققش ؟؟
حلمت انى اروح اعمل عمرة او حج ولحد دلوقتى لم يحقق
6-حب يعنى ايه بالنسبه لك ؟
حب يعني ود وحنان وكلام حلو ومشاعر و ليلة حمرا ههههههه لا الحب ده والله بجد احلى حاجة في الدنيا ونادر جدا اما تلاقي حد تحبه وهو يحبك
7-ماضى يعنى ايه بالنسبه لك ؟؟
الماضي مش بفكر فيه لانى بحاول كل يوم افتح صفحة جديدة مع نفسي او لو رجعت للماضي علشان انفع ومقعش في اى صغيرة ولا كبيرة

8-متى يمضي الوقت دون ان تشعر به؟
لما اكون مع حد بحبه او اكون بعمل حاجة بحبها
9-هل تتلق النقد بصدر رحب ؟
طبعا والنقد ده مهم جدا لاني بحاول بيه اغير من نفسي علشان اعجب الناس
10-نقد لمن توجهه ؟
للناس كلهم يا ريت توفوا لاصدقائكم بجد
11-هل انت ممن يقتنعون بسرعة ؟
طبعا انا بقتنع بسرعة جدا في اوقات واوقات بيكون مخي صعيدي متربس
12-ماالذي يجعلك تنفجر غضباً ؟
لما حد يهني او اشوف حاجة تزعلني بجد
13-ماذا تعني لك النصيحة ؟
لو نصيحة حاسس انها مش في مصلحتي بتخش من ودني وبتطلع من الناحية التانية انما لو في مصلحتي طبعا على عيني وراسي وبحاول اعملها

14-هل تتقبل النصيحه من كل من حولك سواء اعضاء او زملاءاو اهل واغراب ؟
احيانا

15-اذا رايت موضوع ولم يعجبك او ازعجك هل تعبر عما يعصف بك او تسكت؟؟
احيانا بسكت واحيانا لا بس الاغلبية لا
16- ماهو شعورك عندما يطرح عليك سؤال تعجز الرد عليه ؟
بحاول اتوه عن الموضوع لحد اما الاقي رد وبعدين اجاوب
17-فرضا لو اصبحت بنوته ليوم واحد دون ان يعرف احد بالامر فما الذي سوف تقوم به من ادوار البنات التي لا تستطيع القيام بها و انت رجل ؟؟
امممممم هتدلع بس تقريبا

18- ماذا تعني لك الصداقة؟ ومين اقرب صديقة او صديق لك في الحياة؟ ومين اقرب صديق او صديقه لك جوه المنتدى؟
الصداقة احلى حاجة وشئ بجد جميل يعني جميل انك تلاقي صديق تحكيله ويحكيلك يكون اسرارك معاه واسراره معاك ويقف معاك في الاوقات كلها ، هو كذا واحد من ضمنهم عبد الرحمن و مصطفى واسلام وابتهال وكده يعني اقرب صديق نظرا لاني معرفش حد هنا اوى يعني فدوللي هي اقرب واحدة ليا

19- لو اتحطيت في اختيار بين حبيبتك وصديقك تختار مين وتضحي بمين؟ بمعنى اخر لو انت وصديقك حبيتوا بنت في نفس الوقت وهو طلب منك ان تذهب معه ليتقدم لها ياترى توافق وتخسر حبيبتك والا ترفض وتحاول اقناعه بأنها ليست المثاليه لهو و تضحي بصديقك و تذهب انت لتتقدم لها؟
والله ده موقف محرج بس للاسف لو عارف ومتأكد ان صاحبي ده يستاهل وهو كويس هوافق انى اروح معاه انما لو هو مثلا قالي حاجة وما اقنعنيش بيها عن حبيبتي دي عمري ما هسيبها

20-كل شخص مننا جواه نسبة حزن ياترى نسبة الحزن جواك كام في المية؟
75%
21-مين اقربلك وبتحس انه فاهمك اكتر والدك والا والدتك ؟؟؟
والدتي

22- مين الصديق اللي ممكن تعتبره قدوة لك وتتمني تكون مثله؟؟
اسلام

23- لو حبيت بنت مش حاسه بيك ياترى تعمل ايه ؟؟؟؟
هحاول اعمل اى حاجة علشان تحس بيا ولو هى برده محستش هروح واقولها وهحاول اعمل اى حركات كده تحس بيها

24- ايه النيك نيم اللي كتبته ع الماسنجر وكنت حاسس انه بيعبر عنك كويس؟؟؟ وايه النيم اللي حد من اللي ضايفاهم كتبه وعجبك واتمنيت تكتبه؟؟
i love u soo much والنك اللى عاجبني النك بتاع روني هو كان انجليزي بس بصراحة جامد

25-هاقولك كلمات توجهها لاشخاص فيiwant2know
- بحبــــــــك : دولي
- مواضيعك ممتازة : هيثم
- انت فين وغايب عننا ليه : spicy girl
- المنتدى وحش من غيرك : روني
- رأيك بيعجبنى : hala
- انت شخصية محبوبة جدا في iwant2know : misho
- انت دمك خفيف اوى : misho
- انت شخصية قوية تتحمل الصعاب : هيثم

-26 كلمات تعبر عن اشخاص بحياتك
شخص لا يمكنك ان تنساه ابدا : dolly
شخص تعتبره صديقا حقيقيا لك : بلال
شخص تحبه فعلا : dolly
توأم روحك : مش عارف
شخص سوف تتذكره لبقيةحياتك : بيبو
شخص تكرهه : مش بكره حد
اكتر انسان بتحبه : والدتي و و و و و و دولي

27-هل خسرت صديقة او صديق قبل كده؟ وليه ده حصل؟ وياترى بتعامله \ بتعاملها ازاى دلوقت لو اتقابلتوا؟؟
سارة بس لما بشوفها بكلمها بس بقولها ازيك و تقول الحمد لله بس وبعاملها عادي وبتخرج معانا عادي بس مليش اختلاط بيها اوى

28-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
لا انا الحمد لله مش بحاول اظلم حد و مش فاكر وبعدين لو كنت ظلمت حد بروح اتأسفله وبحاول اخليه يسامحني
29-هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟
اهاا كذا مرة بس مش فاكر حاجة

30-ايه العيب اللي شوفته في نفسك وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟
انى بهزر كتير والحمد لله بقيت اقلل من هزاري ، والتاني المقالب اللى بعملها في الناس
31-ايه العيب او الصفة اللي ماتقدرش تتحملها في اللي قدامك؟؟؟؟؟
الرغي والذن الكتير